‏نمایش پست‌ها با برچسب نامه‌ ، په‌ خشان. نمایش همه پست‌ها
‏نمایش پست‌ها با برچسب نامه‌ ، په‌ خشان. نمایش همه پست‌ها

۱۳۹۰ فروردین ۳۱, چهارشنبه

« نامه‌یه‌ک له نامه کانی با *

سڵاو ژن
نازانم بۆ ناوی ئەم نامەیەم بەم وشەوە دەس پێکرد. خۆی وا هات. هاتنی وەک هاتنی یەکەم وشە بوو بۆ شێعر، وەک یەکەم جریوەی چۆلەکە.... نازانم هات ئیتر.
رەنگە بۆ ئەوەی پرسیاری گەڕانی سەرەکی من لە ژیان دا "ژنە". من نازانم چیت بۆ باس کەم لە خۆم ژنەکە.
من هەتیوەێکی بەڕەڵام. من رەنگە تێکەڵە بم لە چەن کەسایەتی رۆمانی " ئێوارەی پەروانەی" بەختیار عەلی.  من وا دەزانم یەکەم کەس "فەرەیدوونی مەلەک"م. کە بە دوای پەروانە دا وێڵم لە کوچە و کۆڵانە کانی جیهان دا. بۆیە چەقۆکێشێکی شاعێرم.
وا دەزانم لە هەمان کات دا " نەسەرددینی بۆن خۆش"م. چوونکو رۆژگارێکی نە ئە وەندەش دوور من پیاغەمەری عاشقان بووم و ئایەتی عاشقانەی زۆریشم دەخوێندەوە بۆ ئۆمەتەکەم و لە راستیشدا ئۆمەت و پەیرەو و عاشقیشم زۆر هەبوون.
لە هەمان کات دا" گۆڤەندی پەیکەرتاشم" و پیاغمەری دژ بە یاسا سەقامگیربوەکان من دژی هەمو ئەو یاسایانەم کە بە بێ بەشداری عەقڵ و لەزەتی من دامەزراون.
رەنگە " خەندانی چکولەش" بم کە حەز لە "گێرانەوە" و رەوایەتی هەموو حەقایەتەکان م چیرۆکەکانی عەشق و رەنجی مرۆڤ دەکەم بۆ نوسین.
من دەزانم هەمو ئەمانە هەم و هیچیشیان نیم و من " خودی خۆمم" و لە خۆم دەچم و کەسیان لە من ناچن.
هەموو کەسایەتیە کانی هەموو رۆمانە گەورەکانی جیهان ، بەشێک لە رۆحی ئاشوفتەی منیان، کە لە گەردوون و زەمان دا وێلە،  بۆ خۆیان دزیوە. ئەو رۆحەی کە رۆحێکی دژ بە " یاسا" و "باو" و هەموشتێکی ترە کە لە گەڵ لەزەتی ئینسان نیە.. ئەو رۆحەی کە خۆی بۆ خۆی یاسا دادەنێت و یاساکنی خۆشی دەشکێنێت.
بە دڵنیایەوە دەزانم کە عاشق ترین مرۆڤی گەردون و هەموو زەمانەکانم و دەشزانم بە کەڵکی "عاشقایەتی" و دڵداری لە گەڵ هیج کەس نایەم. چوونکو لۆژیکی عاشقی مرۆڤ ، مانەوەی " مەعشووقە" لە لای "عاشق" یان عاشق لە لای مەعشووق. بەڵام من "با" م و وەستانم یانی مردن.
ناشتوانم نەشکەومە داوی عەشقەوە و کەسیش نەکەوێتە داوی عەشق یان خۆشویستی منەوە. چونکوو هەموو ژیانی من یانی عەشق. لەهەمان کات دا حیزە پیاوێکی بەرەڵای بێشەرەف و بێ نامووس و بێ هەموو ئەو شتانەی کە کۆمەڵگا وەک تایبەتمەندی "پیاوەتی " بۆ منی هەڵبژاردوە تا لە راستی دا خەریکی کەڵگایەتی بە سەر خۆم ژنان دا بم... هەر هەمان تایبەت مەندیانەی کە رەنگە زۆربەی لەم ژنانەش کە بە داب و نەریتی ئەم گۆمەڵگایە راهاتوون هەر ئەویان لێم بوێت.
من پڕم لە بۆنی بەڕوو رازیانە و بۆنی ناو سینگی ژن و رەنگە ناوگەڵیشی زیاتر. بگرە من لە خوێندەوەی ئاسمان و قۆل و لەشی ژن حەز دەکەم. و حەزیش ناکمەم تەنانەت هەر ئەو ژنەی کە پێست و قاچ و سک و سینگ و لاباڵ ملی بە سەر ئەنگوستەکانم دەخوێنمەوە، لێم بپرسێت ئەرێ تۆ کامە شێعر دەنووسی وچیت خوێندەوە لە سەر دڵ و گیان و پێست و رۆح و جەستەی من؟....
بەڵام راستیەکەی بەر لە هەموو شتێک و پاش هەموو شتێک من شاعێرێکی وێڵی " مرۆڤ"م. " ئینسان باوەڕێکی" خودا دۆستم.خودای من نە لە جنسی خۆدای ئیماندارەکانە و نە جنسی خودای بێ ئیمانەکان.  ئەم دوو گروپە هەر دوو لا خواکەیان زۆر لە یەک دەچێت. لە راستی دا هەر دوو گروپەکە بە ئەک شت ئیمان یان هەیە. گروپی یەکەم ئیمانی هەیە بەو شتە کە پئی دەڵێ خودا و گرووپی دوەمیش ئیمانی هەیە کە ئیمانی نیە هەر بەو خودا.   من و خودا پێوەندیکەی عاشقانەمان هەیە پێکەوە. عەشق لە هەمان جنسی عەشق لەگەڵ مرۆڤ و عەشقی ژن... لە راستیدا هەر ئەوەندەش بە خودا و یاساکانی بە ئەمەگ و وەفادارم، کە بە عەشقی ژن و مرۆڤ....
من رەها و ئازادی موتڵەقم..هەر ئەو شێوەی کە هەموو دەڵێن نابێت و ناکرێت بۆیە لەم جێهانە تەسکەدا جێم نابێتەوە و تۆقاوم وپەنام بردوەتە چەن کتێب و نوسین و پەنا دەبەمە باوشی ژن کە باوشی جیهانە..
من قومار بازێکی بەردەوامم.. بەردەوام لە قوماری عەشق دا نەک لە بردنوەدا.. بردنەوەی من عاشقیە هەر کەس دەتوانێ لەگەڵم لەم قومارخانە کۆن و ئەزلیەدا قومار دەکات و هەر کەسیش ناتوانێ بە جێم دێڵێت و یەکی کەی خۆش دەوێت..یان بگرە لە داخا خۆشی خۆش ناوێت.. بۆیە من نە بڕواێکم بە وەفات هەیە و نە بەتەمایت وەفاشم کە خۆم بێوەفاترینم کاتێ وەفا دەبێت بە وەی کە مرۆڤم خۆش نەوێت بۆ مرۆڤ...قوماربازێکی بەر دەوام هەر رێک وەک شێعرە کەی مەولانا کە دەڵێ:
خنک آن قمار بازی که بباخت هرچه بودش بنماند هیچش الا هوس قمار دیگر
12.06.2009
22.03.1388


*: نامەیەک لە نامە کانی بام لە یادداشتەکانی دەریا دا دۆڒیوەتەوە بۆتانی بڵاو دەکەمەوە
ادامه مطلب

۱۳۹۰ فروردین ۸, دوشنبه

ئێمه‌ مه‌حکوومی ڕوانینه‌کانت بووین- بۆ فەرزاد کەمانگەر


من لاڵ بووم. له‌ ڕۆژی یه‌که‌مه‌وه‌ به‌ ڕووانینت، به‌ وێنه‌که‌ت ئه‌و تاک وێنه‌یه‌ی که‌ ئێمه‌ زۆربه‌مان ته‌نیا ئه‌ومان دیبوو، هه‌مان وێنه‌، که‌ چاوانت له‌ ڕه‌نگی ئاسمانن و له‌ ئاسمان ده‌ڕوانن. له‌ ڕۆژی یه‌که‌مه‌وه‌ بۆت لاڵ بووم، مه‌گه‌ر ده‌کرێ ئه‌و ڕوانینه‌ی تۆ ببیندرێ و له‌ نێویدا ون نه‌بیت. ده‌مزانی خۆشمده‌ویستی، ده‌مزانی دڵم ده‌یه‌ویست نامه‌ت بۆ بنووسێ. به‌ڵام نه‌مده‌توانی، نه‌مده‌توانی ناوت و نامه‌کانت ببینم و بۆت بنووسم. که‌ تۆ له‌ هه‌موو ئێمه‌ جوانترت ده‌نووسی، گیانی برای خۆت.


له‌و ڕۆژه‌وه‌ وێنه‌که‌تم دی، له‌و ڕۆژه‌وه‌ بیستم مامۆستای، له‌و ڕۆژه‌وه‌ که‌ زانیم وه‌ک من له‌ گوندا مامۆستای بووی، ده‌مه‌ویست بۆت بنووسم، به‌ڵام من دیل و گیرۆده‌ی ڕووانینه‌که‌ت بووم، هه‌مان ڕوانینێک له‌ چاوه‌کانت به‌ ڕه‌نگی ئاسمان که‌ له‌ ئاسمانت ده‌ڕوانی. سه‌یره‌. ئه‌گه‌ر هه‌موو دنیا به‌ من بڵێ و به‌ من بسه‌لمێنن که‌ "ئاسمانی هه‌موو شوێنێک هه‌مان ڕه‌نگه‌" من دڵنیام که‌ ئه‌و ئاسمانه‌ی که‌ تۆ به‌و ڕووانینه‌ ئاسمانییه‌ لێده‌ڕوانی له‌ هه‌مان ئاسمانی چاوه‌کانی خۆت ده‌ڕوانی و ڕه‌نگێکی دیکه‌ی هه‌یه‌. ئه‌و ئاسمانه‌ی تۆ لێت ده‌ڕووانی هه‌مان ڕه‌نگی چاوه‌کانی خۆت بوون کاکه‌ فه‌رزاد.
له‌ چاوی هه‌موو مرۆڤه‌کانی دیکه‌دا وێنه‌یه‌ک له‌ ئاسمان نه‌خش ده‌گرێ به‌ڵام ئه‌وه‌ ڕه‌نگی ڕووانینی تۆ بوو که‌ ئه‌و ئاسمانه‌ی ڕازاندبۆوه‌ که‌ تۆ لێت ده‌ڕوانی. ئه‌و مافه‌م بده‌یه‌ که‌ بێژم ئاسمانێک که‌ تۆ لێی ده‌ڕوانی قه‌د ڕه‌نگی هیچ ئاسمانێکی دیکه‌ نادا. 
کاک فه‌رزاد وێنه‌ی خۆت بوو که‌ له‌ ڕۆژی یه‌که‌مدا به‌و ڕووانینه‌ لاڵت کردبووم، ده‌ستمت له‌رزاند، چاوه‌کانمت ترساند که‌ فره‌تر لێت بڕوانم. ده‌زانی کاکه‌ گیان ده‌زانم غه‌مێکی قورس ده‌که‌وێته‌ سه‌ر شانم که‌ بڵێم به‌ ڕووانینت به‌و وێنه‌ تاکییه‌ته‌وه‌ له‌ دڵم که‌وتبوو که‌ تۆ به‌ مه‌رگت ده‌بیته‌ قاره‌مانی ژیان بۆ ئێمه‌. ببووره‌ که‌ ڕاستییه‌کان ده‌ڵێم. تۆ به‌و چاوانه‌ت، تۆ به‌و ڕووانینه‌ت نه‌ک ته‌نیا خۆت به‌ڵکوو هه‌موو ئێمه‌ت مه‌حکووم به‌ ئێعدام کردبوو. ئازیزی برا. له‌ بنه‌ڕه‌تدا هێندێک جار هه‌موو شت پێکه‌وه‌ ده‌بنه‌ هۆی ئه‌وه‌ که‌سێک ببێته‌ قاره‌مان. که‌سێک که‌ ته‌نیا وێنه‌یه‌کی هه‌یه‌، ته‌نیا ڕوانینێکی پاکی هه‌یه‌ به‌ پاکی هه‌نگوینه‌کانی کێوه‌کانی کوردستان، ئه‌سله‌ن تۆ له‌ بنه‌ڕه‌تدا بۆ قاره‌مانبوون له‌ دایک ببووی. 
کاک فه‌رزاد؛ من دڵینام نه‌ک من به‌ڵکوو زۆربه‌ی ئه‌و که‌سانه‌ی به‌ شوێن ناوی تۆ و نووسراوه‌کانی تۆدا ده‌گه‌ڕان، فره‌ت لێ فێر بووین. تۆ له‌م ساڵگه‌لی سته‌مدا تاقانه‌ بووی، تاقانه‌ بووی له‌ نێو هه‌موو زیندانیانی سیاسی، نەک وەک کەسانێک بووی کە هەروا بە پێشوازی مردنەوە بچی و وەک قارەمانانی ڕابردوو بڵێی من مردنم بە گیان کڕیووە، نەک وەک کەسانێکی دیکە بۆ ژیان گریایی و دەستکرد بە دانپێدانانی درۆینە. تۆ ئێمەت فێر کرد کە دەبێ هەتا دواکاتەکانی ژیان لە مافی ژیان پارێزگاری بکەین، هاوکات لە سەر ژیان، بۆ خۆشەویستەکەت و بۆ منداڵان و بۆ قوتابیانی وڵاتەکەمان و بۆ خەڵکی سادە و بەسەبرمان نامە بنووسی. تۆ فێرت کرد لە دواکاتەکانی ژیانیشدا هەم بۆ شاهروودی و هەم بۆ لاریجانی بنووسی و ڕوونبکەیەوە کە ژیان مافی تۆیە. بەڵام نە ئێعترافت کرد و نە داوای لێبووردنیشت لەوان کرد. چۆن تۆ تاقانە نیت ئەی ئەو کەسەی چاوەکانی بۆ هەتاهەتایە ئاسمانی منن. تۆ فێرت کرد، ئەشکەنجە بکرێی بەڵام خۆڕاگر بی و دواتر چیرۆکی ئەو ئەشکەنجەیە بە شێعر بنووسی و بۆ ئێمەی بنێری.

ئێستا کاک فەرزاد من ماوم و بێوازی ئەم غەریبییە کە لەودا وەک دارێکی بە تاق بەجێماوی چۆڵەوانی بە بیستنی هەواڵی لە سێدارەدانی تۆ، واقم وڕماوە لە وێنەی تۆ، شیرین و فەرهاد و عەلی و مەهدی. واقم وڕماوە لەم بێوازییە لەم قەسابخانەیە. واقم وڕماوە لە لاپەڕەکانی هەواڵ بە فرمێسکی چاوانی دایکت. من بۆخۆم مامۆستای قوتابخانەی گوند بووم و دەزانم ئەگەر لە زانکۆکانی ئوروپاش مامۆستا بی، دەست وپلی چڵکنی قوتابییەکانی گوند، بە حەقدەستی زۆروزەبەن و ناووناوبانگ قەد قەد ناگۆڕدرێتەوە. دەزانم وێنەی نەخشی دەستی ئەڤینی بەجێماوت کە کاتێک لە لایەن زیندانەوانی قەد عاشق نەبووت، بە زەبری باتۆم لە سەر دیوارەکانی زیندان پاک دەکرایەوە، تاقە هیوایەک بوو کە دەیتوانی لە گەڵ هیوای جارێکی دیکە وێنەگرتن لە تەنیشت قوتابیانی گوندا هاوسەنگی بکا. دەزانم هەموو کاتەکان لەو فکرەدابووی کە جارێکی دیکە بە یەکێک لە قوتابییەکانت بێژی: ئەحمەد گیان، "احمد" بە کوردی ئاوا ده‌نووسرێ؛ "ئەحمەد" ... دەزانم حەتمەن ئەحمەدیش دەیوت کەواتە "فرزاد"یش ئاوا "فەرزاد" دەنووسرێ،بەڵام هەرزوو قسەکانی خۆی قووت دەدا و دەیوت ببوورە "کاکە فەرزاد". 

ببوورە کاکە فەرزاد! ئێمە نەمانتوانی نە لە خەباتدا وەک تۆ بین و هاوڕێی تۆ بین و نە لە مەرگی پڕلە شانازیشتدا چەند ڕەستەیەکت بۆ بنووسین. باوەڕ بکە، کەس، کەس لەم جیهانەدا ناتوانێ تەنیا دێڕیک بنووسێ کە ئاسمانی چاوەکانی تۆ وێنا بکا. ئەی ڕەنگی چاوەکانت تا هەتاهەتایە ئاسمانی من.

لێرەدا، چوار زیندان بوو ...
لە هەر زیندان چەند داڵان و لە هەر داڵان چەند ژوور
و لە هەر ژوور چەند پیاوێک پێ لە زنجیر ...
بەڵام تۆ، کەسێکت لە تاریکە شەوی باووبۆراندا نەکوشت
بەڵام تۆ، ڕێگەت لە پیاوێکی بەرتیلخۆر نەگرت
بەڵام تۆ، نیوەشەوان، لە سەر بانێکەوە خۆت هەڵنەداشتە سەر بانێکی دیکە
ئەگەر تۆ لەم بەندە بەند نەبووبای؛
ڕەنگە سبەینانێک هەر وەک یادوەرییەکی دوور و بزۆز؛
تێپەڕبای لە قەراغ ساردی خاکی پەست *
* تێبینی:
لە گەڵ ڕێز و حورمەت بۆ شاملووی ئازیز و لایەنگرانی مەبەستم جەسارەتکردن بە شێعری شاملوو نەبوو تەنیا لە بەر ئەوە ویستم بۆ فەرزاد بێ، جێناوەکانم گۆڕی.
وه‌رگێرانی: سیاوه‌ش گۆده‌رزی


http://kurdishperspective.com/expanduser.php?id=1772
ادامه مطلب

۱۳۸۹ فروردین ۱۲, پنجشنبه

بێ باوه‌ شم یان خۆت یان شێعره‌ کانت



شله‌ خان!
ئه‌ وه‌ ئێواره‌یه‌و و من له‌ شه‌قامه‌ کۆنه‌ کانی هه‌ولێر دا پیاسه‌م ده‌کرد. له‌ پشته‌ سه‌رم هه‌موو شتێک هه‌یه‌ و بۆ جێ هێڵان و هیچیش، که‌ من قه‌ت وام نه‌زانیه‌وه‌ ده‌به‌سرێم به‌ هیچه‌ وه بێجگه‌ له‌ عه‌شق‌.عه‌شق به‌ بنه‌ماڵه‌ که‌م و به‌و شوێنه‌ی تێدا له‌ دایک بووم و تێدا ژیام زیاتر عه‌شق به‌و مرۆڤانه‌ی که‌ ناسیومن و ناسیومیانه‌. من بێجگه‌ له‌ مرۆڤ هیچم نیه‌ و مرۆڤیش له‌ هه‌ر کوێ بم له‌گه‌ڵمن عه‌شق به‌و ژنانه‌ی که‌ خۆشم ویستوون. سه‌فرو غوربه‌تێک پڕ له‌ بۆن و به‌رامه‌ی عه‌شقی ژن. به‌ڵام له‌ به‌رانبه‌رم دا هیچ نیه‌. بیابانێک له‌ هیچ... هیچ نیه‌ که‌ ته‌ نانه‌ت ئه‌و مرجه‌ی له‌ سه‌ر بده‌م که‌ به‌جی ده‌هێڵم یان شیاوی به‌سرانه‌وه‌ هه‌یه‌ یان نه‌ یان خود من پێوه‌ به‌سراوم یان  نا. منم و ئێواره‌یه‌کی پڕ له‌ باران و غوربه‌تێک که‌ له‌ منداڵیه‌ وه‌ له‌ پێ کان و له‌ چاه‌انم دا بوه‌.
نه‌ک ئه‌وه‌ی که‌ له‌ کوردستان دا هه‌ست به‌ غه‌ریبی بکه‌م. نا من یه‌که‌م جار که‌ پام نا ئه‌م کوردستانی باشووره‌ ئێره‌م زیاتر به‌ وڵات و ئاشنای خۆم زانی چونکوو کوردستان بوو و له‌ هه‌مان کات دا ئازادیش بوو. به‌ڵام غه‌ریبی من له‌ زه‌مین دایه‌.
شله‌ خان
 سه‌رم ئێشاندی. من ده‌م ویست باسی شتی ترت بۆ به‌کم. ده‌م ویست بڵیم له‌م رێپێوانه،‌ له‌ سنووری ناسک و بێ به‌زه‌یی و به‌ په‌نایی رابوردوو و ئاینده‌ نادیاره‌که‌مدا. رووم له‌ کتێب فرۆشێک کرد. یه‌که‌م داوای کتێبی شێعری "نه‌زه‌ند به‌گی خانی"م کرد. وتی نیمانه‌. پاشان وتم ئه‌ی کتێبی شێعری شاعێری ژنی ترت هه‌یه‌  که‌ شاعێرێکی باشیش بێت. وتی وه‌ڵا  نازانم ئه‌م کتێبه‌ ده‌ڵین خراپ نیه‌. که‌ گرتم به‌ ده‌سمه‌وه‌  وام هه‌ ست ده‌ کرد که‌  ئه‌ مه‌ تۆی  شاعێری  ئه‌ م شێعرانه‌....
به‌ ڵێ تۆ بووی.... زۆرم پێ عه‌ جایب نه‌بوو که‌ گه‌ر من "با" بم و ئاوا له‌ جێهان دا سه‌فه‌رم کردبێ. شتی وا بۆ با عه‌جایب نیه‌. به‌ڵام ‌ زۆرم پێ خۆش بوو که‌ له‌وه‌ها حاڵه‌تێک دا کتێبی شێعره‌که‌ی تۆم به‌ ده‌ست گشت. زوو کڕیم و هاتمه‌ سه‌ر شه‌قامه‌که‌. به‌ڵام دیسان باران دایکردبوه‌وه‌. دڵم نه‌ ده‌هات که‌ کتێبه‌که‌ بنێمه‌ ناو جانتاکه‌م. به‌ ده‌ستی چه‌پم نامه‌ ژێر باخه‌ڵی راستم له‌ ژێر پاڵتاکه‌مه‌وه‌ که‌ باران نه‌ت خۆسێنێ. پاش ماویه‌ک هه‌ستم کر که‌ ئه‌مه‌ خۆتی  که‌ خزاویته‌ته‌ ژێر باخه‌ڵم و  ئه‌وه‌ تۆی که‌ له‌ گه‌رمای ژێر باخه‌ڵ و ژێر پاڵتاوه‌که‌م گه‌رم ده‌بیته‌وه‌.
 خۆم دا په‌ نا دیوارێک یه‌کێک له‌ شێعره‌ کانم له‌ شوێنێک دا که‌ باران نه‌بوو خوێنده‌وه‌ . هه‌نگوسم نابوه‌به‌ین لاپه‌ڕه‌کان و ده‌ ڕۆشتم تۆ هه‌ر له‌ ژێر باخه‌ڵم دا بووی. هه‌ستم ده‌کرد که‌ ئه‌وه‌ هه‌ نگوستم له‌ نێوان زارتایه،‌ یان له‌ نێوان مه‌مکت دا. یان ده‌ستم ناوه‌ته‌ به‌ین ده‌سته‌ کانی تۆ و ئه‌وه‌ لاپه‌ ڕه‌ سپیه‌کان نیه‌ که‌ هه‌نگوستم ده‌گوشن و چما ئه‌وه‌ هه‌ر ده‌سته‌ سپیه‌ کانی تۆیه‌ که‌ هه‌نگوستم ده‌گوشێ. به‌ په‌له‌ زه‌نگم بۆ لێدای. وڵامت نه‌دامه‌وه‌.
ئێستا هاتومته‌ ژوری هاورێکه‌مو له‌ به‌ر په‌نجێره‌یه‌کی پڕ له‌ باران دا رۆ به‌ شه‌قامێک دانیشتووم ئه‌مه‌ت بۆ ده‌نووسم و تماشای رنه‌گی رۆخساری هه‌تاویت ده‌که‌م و له‌ کراسه‌ زه‌رده‌که‌ت ده‌روانم. ناوت ده‌خوێنمه‌وه‌و له‌ ‌ دێرێکی سوور و زه‌ردی هه‌ تاوی دا.
شله‌ خان من بیری هه‌تاو ده‌که‌م. بیری باران.شله‌ خان ئه‌م ئێواره‌ له‌ باوشم دا بووی. له‌ باخڵم دا. له‌ گه‌ڵم دا بووی.

ادامه مطلب